19 წლის ნახევარმცველი „რეალის“ პრიორიტეტებში მყარად იკავებს პირველ პოზიციას.

განვლილი პერიოდის განმავლობაში, დიდი სამუშაოები გასწია ბელინგემის ტრანსფერთან დაკავშირებით. „სანტიაგო ბერნაბეუზე“ თვლიან, რომ კლუბმა მაქსიმუმი გაიღო მოთამაშის დასარწმუნებლად და ახლა ჯერი თავად ჯუდზეა.

ბუნდესლიგის განახლებამდე, დორტმუნდელები შეკრებას ესპანეთში გადიან. „ბორუსიას“ ხელმძღვანელობას შეგირდის გასხვისება მომდევნო ზაფხულს სურს, ვინაიდან მას 2025 წლის 30 ივნისს ეწურება მოქმედი ხელშეკრულება და გაისად, მისი სატრანსფერი ღირებულება გაცილებით ნაკლები იქნება.

„ყვითლების“ პრეზიდენტი ახლა ბელინგემის პასუხს ელოდება, რათა მოლაპარაკებები დაიწყოს პოტენციურ მყიდველთან. სავარაუდოდ, უფრო დეტალური ინფორმაცია ახლო მომავალში გახდება ცნობილი.

„რეალის“ პარალელურად, „მანჩესტერ სიტი,“ „ლივერპული“ და „პსჟ“ გამოთქვამენ ბელინგემის დამატების სურვილს. ამჟამინდელი მდგომარეობით, მისი შესაძლებლობები 120 მილიონ ევროდაა შეფასებული. მადრიდელები კი მზად არიან, 100 მილიონი გადაიხადონს ბრიტანელის სანაცვლოდ.