დღეს, საუდის არაბეთის დედაქალაქ რიადში, „რეალი“ და „ბარსელონა“ ისტორიის განმავლობაში 251-ედ დაუპირისპირდებიან ერთმანეთს.

ურთიერთშეხვედრების სტატისტიკაში (ყველა ტურნირზე), „ბლანკოსი“ მცირე უპირატესობას ფლობს. დედაქალაქელებს 101-ჯერ ჰყავს დამარცხებული მეტოქე, ხოლო თავის მხრივ, „ბალაუგრანა“ 97 მოგებას მოითვლის „თეთრების“ წინააღმდეგ, 52 შემთხვევაში ტაბლოზე ფრე დაფიქსირდა. რაც შეეხება ბურთების შეფარდებას, „რეალმა“ 415 გაიტანა და 404 მიიღო საკუთარ კარში.

უშუალოდ ესპანეთის სუპერ თასის ფინალში, კლუბების გზები 7-ჯერ გადაიკვეთა. აქ, მადრიდელების შედეგი შთამბეჭდავია. მათ 6 ტიტული აღმართეს, „ბარსას“ კი ერთხელ მისცეს ამის საშუალება.