დღეს, გულშემატკივრები „სუპერკოპას“ ფარგლებში მორიგ „ელ კლასიკოს“ იხილავენ.

საფეხბურთო სამყაროს კარგად ახსოვს, ერთ დროს, რა დაძაბულობასა და ზეწოლასთან იყო დაკავშირებული მადრიდელებისა და კატალონიელების დაპირისპირება. როდესაც ჟოზე მოურინიო „რეალის“ სათავეში იდგა, გუნდების თითქმი ყოველი მატჩი ხმაურითა და სკანდალით სრულდებოდა.

2011 წელს, „ნოუ კამპზე“ ესპანეთის სუპერ თასის შეხვედრის შემდეგ, საქმე იქამდეც კი მივიდა, რომ პორტუგალიელმა კოლეგა ვილანოვას თითი უთავაზა თვალში, რასაც ამ უკანასკნელისგანაც მოჰყვა პასუხი.

2023 წელს, სიტუაცია რადიკალურად განსხვავებულია. რიადში გასამართი ფინალის წინ, ანჩელოტი და ჩავი ტრადიციულ პრესკონფერენციამდე შეხვდნენ და ერთმანეთის მიმართ დიდი პატივისცემა გამოხატეს. მათ ტურნირის თასის ფონზე სურათიც გადაიღეს, რამაც მოწონება დაიმსახურა ინტერნეტ სივრცეში.

„„ელ კლასიკოში“ მოურინიოს ეპოქა არცერთი გუნდისთვის იყო პოზიტიური და ვფიქრობ, ცუდად აისახა ყველაზე. საჭიროა მადლიერების გამოხატვა. ანჩელოტისთან კარგი ურთიერთობა მაკავშირებს. კატარში ერთ-ერთ აკადემიის ელჩად მუშაობის პერიოდში, მას ჯილდოც გადავეცი. „რეალის“ მწვრთნელით და კიდევ რამდენიმე ფეხბურთელით მოხიბლული ვარ და ამის დამალვას არ ვაპირებ. კარლო ნამდვილი ჯენტლმენია“ - დასძინა ესპანელმა სპეციალისტმა.