„პაულისტას“ პირველ ტურში „პალმეირასი“ საშინაო კედლებში „სან ბენტუს“ დაუპირისპირდა.

შეხვედრაში, რომელიც გატანილი გოლების გარეშე დასრულდა, საწყისი წუთებიდან ირჯებოდა 16 წლის ენდრიკი. აღსანიშნავია, რომ მან 87 წუთის განმავლობაში იასპარეზა და თამაშის საუკეთესო ფეხბურთელის წოდებაც მიიღო.

„საკმარისად კარგი არ ვიყავი, უფრო მეტის გაკეთება მმართებს. უნდა ვიმუშავო და ვიმუშავო, რათა თანაგუნდელებს დახმარება გავუწიო“ - დასძინა ენდრიკმა ნამატჩევს.