კარიმ ბენზემამ „ბარსელონასთან“ დაპირისპირების წინ პრესკონფერენცია გამართა...

„აქ იმისთვის ჩამოვედით, რომ ფინალი მოვიგოთ და ესპანეთის სუპერთასს დავეუფლოთ. მადრიდისტები ჩვენგან ყოველთვის მაქსიმუმს მოითხოვენ. ვიცით, რომ რთული ამოცანის წინაშე ვდგავართ, მაგრამ „რეალი“ ვალდებულია მაქსიმუმი გაიღოს და ჩემპიონი გახდეს.“

„ჩემი თანაგუნდელები მეხმარებიან იმაში, რომ საუკეთესო ფეხბურთი ვითამაშო. ტრავმების შემდეგ დაბრუნება მარტივი არ იყო, მაგრამ საკლუბო სეზონის განახლების შემდეგ ბევრი რამ შევცვალე და მოწოდების სიმაღლეზე ვდგავარ.“

„ფრანგებთან დაპირისპირება? ერთადერთი რამ, რაზეც ახლა ვფიქრობ, მადრიდის „რეალი“ და ხვალინდელი ფინალია. წარსულზე საუბარს ახლა არ ვაპირებ. ჩვენ შეკრების მთავარ მიზანს „ელ კლასიკო“ წარმოადგენს.“

„ვერ ვიტყვი, რომ ფორმის პიკზე ვარ, მაგრამ კარგ გზას ვადგვარ და მჯერა, რომ წინსვლა შემიძლია. სეზონის დაკსვნითი ნაწილის უმნიშვნელოვანეს თამაშებს ძალიან მაღალ დონეზე უნდა შევხვდე.“

„წლიდან წლამდე „რეალში“ ყოფნით ვტკბები და მჯერა, რომ წარმატების მიღწევა შემიძლია. ამ გუნდთან ერთად კიდევ ბევრი ტიტულის მოგებას ვაპირებს. აქ დარჩენა? მგონი ამაზე გიპასუხეთ.“

„კრიშტიანო რონალდუ გვესტუმრა და ვარჯიშის გარკვეულ ეპიზოდებს დაესწრო. ჩვენ მას დიდებულად შევხვდეთ, პორტუგალიელამ ლეგენდამ „ელ კლასიკოში“ წარმატებები გვისურვა. მან ძალიან კარგად იცის, რამხელა მნიშვნელობას ანიჭებს „ბლანკოსი“ ამ დაპირისპირებას.“

„უკვე გითხარით, რომ საფრანგეთის ნაკრებზე დაწვრილებით საუბარს არ ვაპირებ, მოდით „ბარსელონაზე“ ვისაუბროთ.“

„ლევანდოვსკი? ის ძალიან სახიფათო ფორვარდია, თუმცა კარგად იცის, რომ „რეალთან“ თამაში ნებისმიერი გუნდისთვის უდიდესი გამოწვევაა. „ბლანკოსი“ ფინალში ყოველთვის ძალიან დამაჯერებელია.“

„შემადგენლობის მხრივ პრობლემები გვაქვს, მაგრამ საბედნიეროდ, ასევე რამდენიმე მოთამაშე, რომლის მოედანზე გასვლა საეჭვო იყო მწყობრშია, ჩვენ ბოლომდე ბრძოლას ვგეგმავთ.“

„ჩვენ არ გვჭირდება ბევრი ფოტოს გადაღება იმისთვის, რომ კრიშტიანო რონალდუსთან მეგობრობა დავამტკიცოთ. პორტუგალიელთან ყოველთვის კარგი დამოკიდებულება მქონდა.“