ესპანეთის სუპერ თასი 1982/83 წლების სეზონიდან იღებს სათავეს.

2019/20 წლების სეზონამდე, ტიტულის გათამაშება ტრადიციული მეთოდით ხდებოდა. კერძოდ, ყოველი ახალი სეზონის წინ, აგვისტოს თვეში, პრიმერა დივიზიონისა და „კოპა დელ რეის“ მოქმედი გამარჯვებული ორმატჩიანი დუელის საშუალებით ავლენდნენ საუკეთესოს ვინაობას. ფედერაციის გადაწყვეტილებით კი, უკვე მე-4 წელია, რაც ფორმატი შეიცვალა და „სუპერკოპა“ უკვე დეკემბერში ტარდება, რომელშიც 4 კლუბი იღებს მონაწილეობას - ლა ლიგის ჩემპიონი, ლა ლიგის მეორეადგილოსანი, „კოპა დელ რეის ჩემპიონი“ და „კოპა დელ რეის“ მეორე ფინალისტი.

ისტორიის განმავლობაში აღნიშნული თასი 10 გუნდს აქვს მოგებული, ხოლო ყველაზე მეტი ოქროს მედლით „ბარსელონა“ იწონებს თავს. მადრიდელებს კარგი შანსი აქვთ, კვირასვე გაუთანაბრდნენ კატალონიელებს.

„ბარსელონა“ - 13 ტიტული: 1983, 1991, 1992, 1994, 1996, 2005, 2006, 2009, 2010, 2011, 2013, 2016, 2018
„რეალი“ - 12: 1988, 1989, 1990, 1993, 1997, 2001, 2003, 2008, 2012, 2017, 2020, 2022
„ატლეტიკი“ - 3: 1984, 2015, 2021
„დეპორტივო“ - 3: 1995, 2000, 2002
„ატლეტიკო“ - 2: 1985, 2014
„ვალენსია“ - 1: 1999
„სევილია“ - 1: 2007
„რეალ სარაგოსა“ - 1: 2004
„მალიორკა“ - 1: 1998
„რეალ სოსიედადი“ - 1: 1992

ინფორმაციისათვის, 1986 და 1987 წლებში, „სუპერკოპა“ არ ჩატარებულა, რადგან სამეფო კლუბმა თამაშებისათვის სათანადო დრო ვერ გამონახა.