როგორც იცით, „ვალენსიასთან“ „სუპერკოპას“ ნახევარფინალურ დაპირისპირების დროს, ლუკას ვასკესმა კოჭის ტრავმა მიიღო, რის გამოც 6 კვირამდე გაუცდება.

დაცვის მარჯვენა ფლანგის მუდმივი მეურვე დანიელ კარვახალია, თუმცა, ბუნებრივია, რომ ესპანელი ფეხბურთელი ასეთი დატვირთული გრაფიკიდან გამომდინარე, შეუცვლელად ვერ იასპარეზებს.

მიმდინარე ფორმაციის „რეალში“ „ორიანის“ პირდაპირ მემკვიდრედ ალვარო ოდრიოსოლა ითვლება, მაგრამ ეს უკანასკნელი მწვრთნელის ნდობით ვერ სარგებლობს, რაც მის სათამაშო დროსაც ეტყობა - მხოლოდ 50 წუთი საქმეში კლუბში დაბრუნების შემდეგ.

დიდი ალბათობით, ვასკესის გამოჯანმრთელებამდე, საჭიროების შემთხვევაში ნაჩო ფერნანდესი გაირჯება აღნიშნულ პოზიციაზე. უნივერსალურობიდან გამომდინარე, მას არა ერთხელ მოურგია სხვადასხვა ამპლუა.

MARCA-ს ცნობით კი, „რეალი“ ზაფხულის სატრანსფერო ფანჯარაზე მარჯვენა ფრთის გასაძლიერებლად არაფერს მოიმოქმედებს. კლუბის მიზანია ვინისიუს ტობიასის ტრანსფერის გამოსყიდვა დონეცკის „შახტარიდან.“ ბრაზილიელ ფეხბურთელი, რომელსაც რამდენიმე თვეში ეწურება ესპანეთის დედაქალაქში ყოფნის ვადა, რაულის პირობებში, თამაშიდან თამაშამდე შესამჩნევ პროგრესს განიცდის. შესაბამისად, კლუბში აპირებენ, რომ მომდევნო სეზონიდან უფრო მეტი დატვირთვა მისცენ მას.

ამასთანავე, სამომავლო ჭრილში, „რეალში“ დიდ იმედებს ამყარებენ 17 წლის ალექსს ხიმენესსა და 15 წლის ხესუს ფორტეაზე. ისინი აკადემიის გუნდებში შთამბეჭდავად გამოდიან და სწორედ ამიტომაც, ნათელ მომავალს უწინასწარმეტყველებენ მათ.