„როგორც ყოველთვის, ფსიქოლოგიურ და ტაქტიკურ კომპონენტებში „რეალი“ საკმაოდ ძლიერად გამოიყურება და ეს ჩვენ უნდა ვაღიაროთ.. „ბლანკოსი“ ჩვენი დიადი მეტოქეა ესპანეთის ჩემპიონატში. ამასთანავე, ისინი ევროპის მოქმედი ჩემპიონები არიან. ფინალურ შეხვედრებში „თეთრები“ მეტად ბრძოლისუნარიანად გამოიყურებიან და ეს უნდა გავითვალისწინოთ. ვფიქრობ, მომავალი ტიტული „ბარსელონასთვის“ უფრო მნიშვნელოვანი იქნება, ვიდრე მოწინააღმდეგისთვის. რაც არ უნდა მოხდეს ხვალ, ნებისმიერ შემთხვევაში წინსვლას გავაგრძელებთ, თუმა ოქროს მედალს მეტი თავდაჯერების მოტანა შეუძლია.“

„მენტალური ასპექტის გათვალისწინებით, „რეალი“ უპირატესობას ფლობს. მათ მხარს უმაგრებს უზარმაზარი გამოცდილება. „ბლაუგრანა“ მოწყურებულია ტიტულს. ჩვენი ბოლო ტრიუმფიდან დიდი დრო გავიდა. სწორედ ეს ვუთხარი ფეხბურთელების „ბეტისთან“ შეხვედრის დროს.“

„ანჩელოტი ფინალებში წარმატებულია? სტატისტიკა იმისთვისაა, რომ შეიცვალოს. როგორც მახსოვს, მეც პოზიტიური გამოცდილება მაქვს გადამწყვეტ მატჩებში ასპარეზობის. თუ მეტყვით, რომ კარლოს 2010 წლის შემდეგ არ დაუთმია ფინალი, ეს დამატებით მოტივაციას მომცემს.“

„არაუხო ვინისიუსის წინააღმდეგ? რონალდი შესანიშნავი მცველია. მას დიდებულად შეუძლია თამაში ერთი-ერთზე. ის ნაყოფიერად ირჯება ფლანგზეც.“

„რა თქმა უნდა, მომავალი შერკინება ლა ლიგის ოქტომრბის მატჩისგან განსხვავებული იქნება. ვეცდებით სივრცეები ვიპოვოთ მათ დაცვაში.“