15 იანვარს, „სუპერკოპას“ ფინალში „რეალი“ „ბარსელონას“ დაუპირისპირდება.

სამეფო კლუბში დაბრუნების შემდეგ, კარლო ანჩელოტისათვის მე-4 ფინალი იქნება. წინა 3 იტალიელი სპეციალისტის დარიგებულებისათვის წარმატებით დასრულდა - 2022 წლის იანვარში, „თეთრებმა“ ესპანეთის სუპერ თასის ფინალში 2-0 დაამარცხეს „ატლეტიკი,“ შემდეგ ჩემპიონთა ლიგის ფინალში 1-0 სძლიეს „ლივერპულს,“ ხოლო განვლილ ზაფხულს, ევროპის სუპერ თასზე, ასევე 2 უპასუხო გოლი გაუტანეს „აინტრახტს.“

რაც შეეხება პაპა კარლოს „რეალში“ მუშაობის პირველ წლებს, მან 5 ფინალში მიიღო მონაწილეობა, საიდანაც 4 მისი გამარჯვებით დასრულდა, ხოლო ერთი მარცხით. „კოპა დელ რეიზე,“ ჩემპიონთა ლიგიზე, ევროპის სუპერ თასსა და მსოფლიოს საკლუბო მუნდიალზე მიღწეული ტრიუმფის ფონზე, ანჩელოტიმ 2014 წელს, „სუპერკოპა“ დათმო „ატლეტიკოსთან.“

მაშასადამე, სამეფო კლუბის სათავეში მან 8 გადამწყვეტი ორთაბრძოლიდან 7 ტიტული გამოძერწა და თამამად შეიძლება ეწოდოს „მისტერ ფინალი.“

საერთო ჯამში, 63 წლის დამრიგებელი 8 თასს მოითვლის „რეალის“ რიგებში და კლუბის ისტორიაში მხოლოდ ზინედინ ზიდანსა (11) და მიგელ მუნიოსს (14) ჩამორჩება.