ზაფხულის სატრანსფერო ფანჯარაზე „რეალი“ რამდენიმე პოზიციის გაძლიერებას გეგმავს.

ანჩელოტისათვის ერთ-ერთი პრიორიტეტულია დაცვის მარჯვენა ფლანგზე კონკურენციის შექმნა. გამომდინარე იქედან, რომ იტალიელი დამრიგებელი ალვარო ოდრიოსოლას არ ენდობა, ხოლო ლუკას ვასკესი ნომინალური უკანახაზელი არ არის, შემადგენლობაში მხოლოდ დანიელ კარვახალი რჩება „ორიანის“ პოზიციაზე.

BILD-ის ინფორმაციით, სამეფო კლუბი დიდად დაინტერესებულია ბენჟამენ პავარის შესაძლებლობებით, რომელსაც „ბაიერნთან“ მოქმედი ხელშეკრულება 2024 წლის 30 ივნისს იწურება, თუმცა, როგორც ირკვევა, ფრანგი მოთამაშის სურვილია „ბარსელონაში“ ასპარეზობა და ამისათვის ყველაფრის გაკეთებას აპირებს.

აქედან გამომდინარე, მადრიდში მყისვე უარი თქვეს პავარის ტრანფერის გაჩარხვისათვის ძალისხმევის გაღებაზე.