საკლუბოს სეზონის განახლების შემდეგ, ვინისიუს ჯუნიორი მოწოდების სიმაღლეზე ვერ გამოიყურება.

განვლილი 2 თამაშის („ვილიარეალთან“ და „ვალენსიასთან“) განმავლობაში ბრაზილიელ ფეხბურთელს საკმაოდ ხელსაყრელი მომენტები შეექმნა, თუმცა ამ უკანასკნელმა ვერადავერ გაისწორა სამიზნე და შესაბამისად, ორივე შემთხვევაში უგოლოდ დატოვა მოედანი.

მიუხედავად უფერული ასპარეზობისა, კარლო ანჩელოტის ერთი წამითაც არ ეპარება ეჭვი შეგირდში. პირიქით, ის მწვრთნელის დიდი ნდობით სარგებლობს. როგორც ირკვევა, იტალიელმა ვინის მოსთხოვა, რომ დამაგვირვინებელ ფაზაში უფრო ნაყოფიერი იყოს.

ვინისიუსს მიმდინარე ფორმაციის „რეალში“ ვარსკვალური სტატუსი აქვს და ეს მან განვლილი სეზონის შთამბეჭდავად ჩატარების წყალობით მოიპოვა. Transfermarkt-ის ინფორმაციით, „ბლანკოსის“ შემტევი ყველაზე ძვირადღირებულ მოთამაშეებს შორის მესამე ადგილს იკავებს. მისი შესაძლებლობები 120 მილიონ ევროდაა შეფასებული.

„მარკას“ ცნობით, თანაგუნდელები და სამწვრთნელო შტაბი ვინისიუსს მოუწოდებს, ნაკლები ყურადღება გაამახვილოს მოედანზე მიმდინარე „ომებზე,“ რაც ფეხბურთელს ხელს უშლის მთლიანად ჩართული იყოს მატჩში.