ბელგიელი ფეხბურთელის მომავალი სამეფო კლუბში კითხვის ნიშნის ქვეშ დგას. მას 2024 წლის ზაფხულში ეწურება მოქმედი კონტრაქტი.

El Chiringuito-ს ინფორმაციით, გუნდთან ერთად საუდის არაბეთში მყოფი ედენ აზარი, ჟურნალისტებმა რუდი გარსიას ოფისში დააფიქსირეს. ფრანგი დამრიგებელი, რომელმაც „შვიდიანი“ „ლილში“ მუშაობის დროს გაიცნო, ამჟამად ადგილობრივი „ალ ნასრის“ მთავარი მწვრთნელია.

ბოლო პერიოდის განმავლობაში, შემტევი მოთამაშის გვარი არა ერთხელ დაუკავშირეს არაბულ კლუბს და არ არის გამორიცხული, მისი და ყოფილი ბოსის შეხვედრაც სწორედ ამ თვალსაზრისით შედგა.

ამას ისიც ემატება, რომ რამდენიმე დღის წინ, „ვალენსიასთან“ მატჩისწინა ვარჯიშზე, აზარს „ალ ნასრის“ მაისური აჩუქეს.