„ვალენსიას“ ძლევისა და ფინალური საგზურის მოპოვების შემდეგ, კარლო ანჩელოტიმ ფეხბურთელებს, გუშინ, დასვენების საშუალება მისცა, ხოლო დღეს კი, მადრიდელებმა უკვე „ბარსელონასთან“ პაექრობისთვის დაიწყეს სრულფასოვანი მომზადება.

განვლილ სესიაზე მოთამაშეებმა მწვრთნელების სხვადასხვა მითითებები და სავარჯიშოები „ალ ნასრის“ სტადიონზე შეასრულეს. აღსანიშნავია, რომ თანაგუნდელების გვერდით არ გამოჩენილა ლუკას ვასკესი, რომელსაც კოჭის ტრავმა დაუდგინდა და 6 კვირის განმავლობაში იუქმებს.

რაც შეეხებათ კამავინგასა და მილიტაოს, მათ სრული დატვირთვა მიიღეს. ფრანგ ნახევარმცველს მარჯვენა მუხლი შეხვეული ჰქონდა.