ესპანეთის ფეხბურთის ფედერაციამ „სუპერკოპას“ ფინალზე მსაჯთა ბრიგადა დანიშნა.

მადრიდის „რეალისა“ და „ბარსელონას“ დაპირისპირებას გამოცდილი არბიტრი, რიკარდო დე ბურგოს ბენგოეჩეა მოემსახურება, ხოლო VAR-ზე პასუხისმგებელი გონსალეს გონსალესი იქნება.

დე ბურგოსმა კარიერის განმავლობაში 18-ჯერ იმსაჯა შეხვედრა „ბლანკოსის“ მონაწილეობით, საიდანაც 14 შემთხვევაში მადრიდელები გამოვიდნენ გამარჯვებულნი, ხოლო ერთხელ მარცხი განიცადეს.

აღსანიშნავია, რომ 2017 წელს, სწორედ ის იყო რეფერი, როდესაც „სუპერკოპას“ ფინალის პირველ მატჩში, დედაქალაქელებმა 1-3 სძლიეს „ბარსელონას“ „ნოუ კამპზე.“