„რთული და დაძაბული შეხვედრა გამოვიდა. მეორე ნახევრის სტარტზე დაშვებული შეცდომის წყალობით საქმე გავირთულეთ. აღნიშნულ მომენტს თუ არ ჩავთვლით, საერთო ჯამში კარგი თამაში გამოდგა. მოწინააღმდეგე თავს საიმედოდ იცავდა. მიუხედავად საუკეთესო ფორმაში არყოფნისა, მაინც ვახერხებთ გამარჯვების მოპოვებას, რაც ძალიან გვახარებს. ნაბიჯ-ნაბიჯ უნდა გავაუმჯობესოთ ასპარეზობა.“

„ვფიქრობ, ფიზიკურ პრობლემებს არ განვიცდით. ძირითადი დროის დასრულებამდე არა ერთი შანსი შევქმენით. ასევე, ექსტრა ტაიმებშიც ყველაფერს ვაკეთებდით, რომ პენალტების სერია აგვერიდებინა თავიდან. ობიექტურად, ოპტიმალური კონდიციებისაგან შორს ვართ. გაშვებული გოლი კოლექტიური შეცდომის ნაყოფია. ფინალის საგზურის დაბევებით კმაყოფილნი ვართ.“

„განვლილ შეხვედრაში კამავინგამ და ლუკას ვასკესმა დაზიანებები მიიღეს, ხოლო მილიტაოს დარტყმულის თავით მოგერიების შემდეგ თავბრუსხვევა აწუხებდა. ჩვენ სამივე შემთხვევაში ცვლილებას მივმართეთ. ვფიქრობ, ესპანელი მოთამაშის ტრავმა სერიოზული ჩანს, ფრანგი და ბრაზილიელი კი, კვირისთვის მწყობრში უნდა იყვნენ.“

„ჩვენს მიზანს წარმოადგენდა ფინალში თამაში. როგორც წესი, ტურნირის ბოლო მატჩებს „რეალი“ მოწოდების სიმაღლეზე ატარებს. ვნახოთ, რა მოხდება ამჯერად. გუნდი მაქსიმუმს გაიღებს.“

„მომდევნო დაპირისპირებისთვის კონკურენტუნარიანი დაცვითი ხაზი გვეყოლება. კარვახალი და მენდი სრულად გამოჯანმრთელდნენ.“

„პენალტების სერია ყველაზე გამოცდილებმა დაიწყეს, რომლებსაც შესანიშნავი დარტყმა აქვთ. ბოლოს ბურთთან ვინისიუსი უნდა მისულიყო, თუმცა კარგია, რომ არ მოუწია შესრულება (იცინის).“

„უნიკალურ მოვლენასთან გვაქვს საქმე, ვინაიდან მუნდიალი დეკემბერში ჩატარდა. კატარში „რეალის“ 14 მოთამაშე გამოდიოდა და ლოგიკურია, რომ ჩვენი სათამაშო ფორმა სანიმუშო არ არის.“

„მადლობა სტადიონზე მოსულ მადრიდისტებს მსგავსი ატმოსფეროს შექმნისთვის. საშინაო არენაზე გვეგონა თავი და შემდეგ ერთად ვიზეიმეთ გამარჯვება.“