კურტუა: „ამაზე არ გვივარჯიშია“
ტიბო კურტუამ „ვალენსიასთან“ ჩატარებული პაექრობა შეაფასა.
„სიმართლე გითხრათ, განვლილ შეხვედრაში ბევრი სამუშაო არ მქონია. წინა ხაზში სათანადო სიმაღლეზე ვერ გამოვიყურებოდით. მეტოქეს მატჩის მიწურულს ჰქონდა კარგი შანსი, თუმცა დარტყმული მოვიგერიე. საჭიროა თამაშის გაუმჯობესება. ვნახოთ, ვინ იქნება „რეალის“ მოწინააღმდეგე ფინალში.“
„მსოფლიოს ჩემპიონატის შემდეგ მცირე დაზიანება მაწუხებდა, მაგრამ ახლა 100 პროცენტით მზად ვარ. ვცდილობ, მაქსიმალურად დავეხმარო გუნდს. ჩემთვის იდეალური იქნება ფინალურ პაექრობაში კარის მშრალად შენახვა.“
„მომავალი მეტოქე? ვფიქრობ, არსებითი მნიშვნელობა არ აქვს. ორივე კლუბი ძალიან კარგად გამოიყურება და ნებისმიერ შემთხვევაში ურთულესი დაპირისპირება გველოდება. რაც არ უნდა მოხდეს, კვირას, გამარჯვებისთვის ბოლომდე დავიხარჯებით.“
„პენალტებზე არ გვივარჯიშია. მხოლოდ „ვალენსიას“ შესრულებულ ბოლო თერთმეტმეტრიანების ვიდეოებს მივადევნე თვალი. თანაგუნდელები ქებას იმსახურებენ წარმატებით შესრულებული დარტყმების გამო.“
- 12 იანვარი 2023
- 561
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
