მადრიდის „რეალი“ საუდის არაბეთში პრობლემებით ჩავიდა. დავიდ ალაბა ხელმისაწვდომი არ არის, ფერლან მენდის კი კუნთის პრობლემის გამო „ვალენსიასთან“ დატვირთვის მიღება არ შეუძლია...

სწორედ აღნიშნულიდან გამომდინარე, მადრიდული გრანდის მთავარი მწვრთნელი, კარლო ანჩელოტი დაცვის მარცხენა ფლანგზე ედუარდო კამავინგას დაყენების პერსპექტივას განიხილავს. ფრანგი მოთამაშე აღნიშნულ პოზიციაზე საფრანგეთის ნაკრებშიც ვიხილეთ რამდენჯერმე.

მეორე ვარიანტად კი ნაჩო ფერნანდესი განიხილება, რომელსაც მარცხნივ თამაშის გამოცდილება აქვს.