როგორც კი „პსჟ“-ს ხელმძღვანელობა მიხვდა, რომ ჯუდ ბელინგემი მადრიდის „რეალს“ მიუახლოვდა, მაშინვე მოამზადა წინადადება, რომელიც სამეფო კლუბის შეთავაზებას პირობებით ბევრად აღემატება...

როგორც სჩანს, ალ ჰელაიფი სამეფო კლუბს პირადად ერჩის და ყველა იმ ფეხბურთელით ინტერესდება, რომელიც მსოფლიოს საუკეთესო კლუბთან არის დაკავშირებული.

ასე იყო ენდრიკ ფელიპეს შემთხვევაშიც, მაგრამ ახალგაზრდა ბრაზილიელმა მაინც ბერნაბეუზე თამაში არჩია. ახლა „პსჟ“-ს მიზანი ბელინგემია, რომელსაც ფრანგული მხარე წლიურად 12.5 მილიონ ევროს შესთავაზებს, აღნიშნული ხელფასი გაცილებით აღემატება მადრიდული კლუბის მხრიდან წამოჭრილ წინადადებას.

ესპანური გამოცემების ცნობით, ბელინგემის მომდევნო ნავსაყუდელი „რეალი“ ან „ლივერპული“ იქნება და ამ მხრივ „პსჟ“ ფონს ვერ გავა, თუმცა დაველოდოთ მოვლენების განვითარებას.