როგორც იცით, 11 იანვარს, საუდის არაბეთში, ესპანეთის სუპერ თასი აიღებს სტარტს.

ნახევარფინალურ სტადიაზე სამეფო კლუბი „ვალენსიას“ დაუპირისპირდება, ხოლო „ბარსელონა“ „ბეტისს.“

აღსანიშნავია, რომ ჯენარო გატუზოს გუნდს არცთუ ისე სახარბიელო პერიოდში მოუწევს მოქმედ ჩემპიონთან შერკინება. უკანასკნელი 8 ოფიციალური თამაშიდან, „ღამურებმა“ მხოლოდ 1 მოიგეს, 4 წააგეს და 3-ჯერ ფრე დააფიქსირეს. ისინი ლა ლიგის სატურნირო ცხრილში მე-11 პოზიციას იკავებენ და მხოლოდ 4 ქულით ჩამორჩებიან გასავარდნ ზონას.

ამასთანავე, პრიმერა დივიზიონის განახლების შემდეგ, ვალენსიელებმა ჯერ „ვილიარეალთან“ იწვნიეს მარცხი, შემდეგ კი „კადისთან.“

იტალიელი დამრიგებლის განკარგულებაში არ იქნებიან ნიკო გონსალესი და სამუ კასტილიეხო. ამ უკანასკნელმა ტრავმა რამდენიმე დღის წინ მიიღო და წინასწარი ინფორმაციით, 2 თვეს გამოტოვებს.

სუპერ თასის ფინალი 15 იანვარს არის ჩანიშნული.