საშობაო არდადეგების შემდეგ, განვლილ უქმეებზე, Primera RFEF-ს მე-18 ტურის მატჩები გაიმართა.

აღნიშნული დივიზიონის 1-ელ ჯგუფში მოასპარეზე „კასტილიამ“ საკუთარ მინდორზე „ალხერსირასს“ უმასპინძლა. საგულისხმოა, რომ უკვე მე-4 წუთზე, რაულის შეგირდებმა გოლი გაუშვეს, თუმცა მე-60 წუთზე არიბასმა ანგარიში გაათანაბრა (საჯარიმო დარტყმით), ხოლო 89-ზე ალვარო როდრიგესმა გამარჯვების მომტანი შედეგიანი დარტყმა განახორციელა და საბოლოოდ 2-1 დაფიქსირდა ტაბლოზე.

ამრიგად, ახალგაზრდა მადრიდელები უკვე 38 ქულასა და სატურნირო ცხრილში მე-3 ადგილს მოითვლიან. ისინი მხოლოდ 1-ით ჩამორჩებიან „კორდობასა“ და „ალრკორკონს.“

მომდევნო ტურში (15 იანვარს) კასტილიელების მოწინააღმდეგო „სეუტა“ იქნება, რომელიც „კოპა დელ რეის“ მერვედფინალში „ბარსელონას“ დაუპირისპირდება.

„კასტილიას“ შემადგენლობა „ალხესირასის“ წინააღმდეგ: ლუისი; ტობიასი, კარილიო, რაფა მარინი, მარველი (56' პეტერი), ობრადორი; ალვარო მარტინი, ხავი ვილარი (83' ტეო), ნიკო პასი (56' არანდა); არიბასი და ალვარო როდრიგესი (90' იკერ ბრავო).
გოლები: 0-1 რონი (3'); 1-1 არიბასი (60'); 2-1 ალვარო მარტინი (90')