მადრიდის „რეალის“ ვებ-გვერდმა ოფიციალური განცხადება გაავრცელა...

მადრიდის „რეალი“ დიდ სინანულს გამოთქვამს საფრანგეთის ფეხბურთის ფედერაციის პრეზიდენტის, ნოელ ლე გრეს განცხადებების გამო, რომელიც მსოფლიო ფეხბურთის ლეგენდას, ზინედინ ზიდანს ეხება.

სამეფო კლუბი მიიჩნევს, რომ ზინედინი ფრანგული ფეხბურთის სიმბოლოა, მან ეროვნულ ნაკრებთან ერთად მსოფლიოსა და ევროპის ჩემპიონატები მოიგო, ასევე წარუშლელი კვალი დატოვა, როგორც ფეხბურთელმა, ასევე მწვრთნელმა, მისი სპორტული კარიერა შთამბეჭდავია, ლე გრატის მიერ გაკეთებული განცხადება კი ნამდვილად პატივისცემის ნაკლებობის გამომხატველია.

„რეალი“ ასევე ემიჯნება და არ ეთანხმება პოზიციას, რომელიც ამ ადამიანის ოქროს ბურთის მოქმედი მფლობელის, კარიმ ბენზემას მიმართ აქვს.