„ყვითელი წყალქვეშა ნავის“ მისსავე კედლებში ჩაძირვა არცთუ ისე მარტივი საქმეა.

„ლა სერამიკაზე“ ბოლო 10 ვიზიტის განმავლობაში, „რეალმა“ მხოლოდ 2-ჯერ მოახერხა გამარჯვების მოპოვება, ხოლო უკანასკნელი 5 შეხვედრა ყაიმით დასრულდა. აღნიშნული სტატისტიკიდან გამომდინარე შეიძლება ითქვას, რომ მადრიდელებისათვის „ვილიარეალის“ საშინაო არენა ყველაზე რთულია, ვინაიდან მოცემული პერიოდის გათვალისწინებით, „თეთრებს“ უფრო მეტი მოგება აქვთ აქტივში ისეთ სტადიონებზე, როგორებიცაა: „ნოუ კამპი“ (3), „მეტოპოლიტანო“ (3), „მესტალია“ (4) და „სანჩეს პისხუანი“ (4).

მიჯრით ფრეების გაგორებამდე, დედაქალაქელებმა 2017 წლის თებერვალში მოპიპოვეს მეტად რთული გამარჯვება სტუმრად. ისინი 2-0 აგებდნენ, მაგრამ შემოტრიალება შეძლეს და 3 გოლი გაუტანეს მოწინააღმდეგეს.

ამასთანავე, 2014/15 წლების სეზონში, კარლო ანჩელოტიმაც გაუგო გემო „ლა სერამიკაზე“ 3 ქულის მოპოვებას. ლუკა მოდრიჩისა და კრიშტიანუ რონალდუს წყალობით, „ბლანკოსმა“ 0-2 დააფიქსირა ტაბლოზე.