24 წლის მანუელ ლოკატელის ტურინის „იუვენტუსთან“ კონტრაქტი მიმდინარე წლის 30 ივნისს ეწურება...

ფეხბურთელს ტურინში დარჩენა აღარ სურს და სხვა კლუბებთან მოლაპარაკებების უფლებაც ოფიციალურად აქვს მიღებული, რადგან კონტრაქტის ამოწურვამდე 6 თვეზე ნაკლებია დარჩენილი.

იტალიური გამოცემების ცნობით, ლოკატელის ირგვლივ სამეფო კლუბიც ტრიალებს, რომელიც მიიჩნევს, რომ ახალგაზრდა ნახევარმცველის უფასოდ დამატება საკმაოდ კარგი ვარიანტია.

ფლორენტინო პერესის დავალებით, მანუელთან დაკავშირებით სპეციალური ჯგუფი მუშაობს, რომელიც ფეხბურთელისთვის 6 წლიანი კონტრაქტის შეთავაზებაზე ფიქრობს.

მადრიდში თვლიან, რომ ფეხბურთელის უფასოდ დამატების შემთხვევაში, ლოკატელისთვის 7 მილიონიანი სატრანსფერო ბონუსის მიღება მრავალწლიან ხელშეკრულებასთან ერთად საინტერესო უნდა იყოს.

და ბოლოს, აუცილებლად უნდა აღინიშნოს, რომ ლოკატელის სატრანსფერო უფლებების გარკვეულ წილს „სასუოლოც“ ფლობს, რომელმაც შესაძლოა გარკვეული ფინანსური სარგებლის მიღება მოინდომოს.