„მარკას“ ინფორმაციით, მადრიდის „რეალი“ ჯუდ ბელინგემთან დაკავშირებით სქემის გარკვეულწილად შეცვლა სურს...

„ბლანკოსის“ მიზანი მაქსიმუმ 110 მილიონი ევროს გადახდა და საბონუსე სისტემის გააქტიურებაა, რომლის მიხედვითაც, „დორტმუნდს“ დამატებით 40 მილიონი ევროს მიღების საშუალება ექნება.

ეს იმ შემთხვევაში მოხდება, თუ ბელინგემი ჩემპიონთა ლიგის მოგებას მოახერხებს. ასევე შეთანხმებაში ჩაიდება ლა ლიგის მოგების პუნქტი და საერთო მატჩების 80%-ში მონაწილეობის მიღება.

ამ ნაბიჯით „რეალი“ მაქსიმალურად ცდილობს ჯუდი შედარებით დაბალ ფასად შეიძინოს, ხოლო თუ მოთამაშე გაამართლებს, დამატებითი თანხები გაიღოს.