სამეფო კლუბმა ქვედალიგელი „კასერენიო“ ახალაგზრდა ბრაზილიელის შესანიშნავი თამაშის წყალობით დაამარცხა.

მიმდინარე სეზონში როდრიგო გოეში „რეალის“ ერთადერთი ფეხბურთელია, რომელმაც სამივე ტურნირზე (პრიმერა დივიზიონი, ჩემპიონთა ლიგა და „კოპა დელ რეი“) მოახერხა თავის გამოჩენა. სამხრეთ ამერიკელმა უკვე 13 გოლში მიიღო მონაწილეობა და აღნიშნულ კომპონენტში მხოლოდ თანამემამულე ვინისიუსს ჩამორჩება (15). ეს ყველაფერი იმის გათვალისწინებით, რომ მას არ უწევს რეგულარულად გამოსვლა სასტარტო შემადგენლობაში.

განვლილ სეზონში როდრიგომ 9 გოლსა და 10 ასისტს მოუყარა თავი. არსებული მომენტისათვის, ის უკვე მოითვლის 8 შედეგიან დარტყმას და ახლოს არის ახალი პირადი რეკორდის დამყარებასთან.

21 წლის ფეხბურთელმა კატარის 2022 წლის მუნდიალზეც მიიღო მონაწილეობა, სადაც მეოთხედფინალურ სტადიაზე, პენალტების სერიაში (ხორვატიასთან) თავისი შანსი გაანიავა.