ბრიტანული გამოცემების ცნობით, მანჩესტერ „სიტის“ თავკაცს, ხოსეპ გუარდიოლას მადრიდის „რეალის“ ფრანგი ფეხბურთელი აინტერესებს...

პეპი მზად არის, მოთამაშის მოთხოვნა ხელფასის მატებასთან დაკავშირებით დააკმაყოფილოს და წლიურად 5 მილიონი ევრო შესთავაზოს.

მენდი უნდა დაფიქრდეს, ვინაიდან მანჩესტერულ კლუბში დაცვის მარცხენა ფლანგზე დიდი კონკურენციაა. პირველ რიგში აღსანიშნავია პორტუგალიელი კანსელუ, რომელიც მართლაც საოცარ ფორმაში იმყოფება.

იმ შემთხვევაში, თუ მენდი წასვლის გადაწყვეტილებას მიიღებს, „რეალი“ მას ხელს არ შეუშლის, რადგან ახალ კონტრაქტზე შეთანხმება არ არსებობს.

რაც შეეხება ფინანსურ დეტალებს, მადრიდში მოთამაშის სანაცვლოდ მინიმუმ 45 მილიონი ევროს მიღებას გეგმავენ.