ჯერ კიდევ 1 კვირის წინ მადრიდის „რეალი“ ტონი კროოსის საბოლოო გადაწყვეტილებაზე ნერვიულობდა, მაგრამ როგორც სჩანს, სიტუაცია იცვლება...

Relevo-ს ცნობით, პესიმიზმი ოპტიმიზმით შეიცვალა და ბოლოდროინდელი მესიჯებიდან გამომდინარე, გერმანელი ფეხბურთელის დარჩენა სავსებით რეალურია.

კროოსს კიდევ 3 კვირა აქვს მოსაფიქრებლად, მაგრამ მადრიდში დარწმუნებულები არიან, რომ გადაწყვეტილება დადებითი იქნება.

თუ ტონი კონტრაქტის გახანგრძლივებას დათანხმდება, „ბლანკოსი“ მას ანალოგიურ პირობებს დაუტოვებს, ხელშეკრულების ამოწურვის თარიღად კი 2024 წლის 30 ივნისი განისაზღვრება.