სამეფო კლუბი აქტიურად აკვირდება ახალგაზრდა ფეხბურთელებს როგორც ქვეყნის გარეთ, ასევე მის შიგნითაც.

Relevo-ს ინფორმაციით, „რეალში“ მოხიბლულნი არიან „ვალიადოლიდის“ მარჯვენა მცველის, ივან ფრესნედას თამაშით. 18 წლის მოთამაშემ მადრიდელების წინააღმდეგ ასპარეზობის (30 დეკემბერს) დროსაც დაამტკიცა, რომ დიდი პოტენციალის მქონეა. მისდამი სიმპათიებს ისეთი გუნდები გამოხატავენ, როგორებიც არიან: „არსენალი,“ „ნიუკასლი,“ „მილანი,“ „იუვენტუსი“ და „ბორუსია,“ თუმცა ამ ეტაპისათვის, ვალიადოლიდელებისათვის არავის მიუმართავს ოფიციალური წინადადებით.

ფრესნედას სატრანსფერო ღირებულება 30 მლნ. ევროს ფარგლებში მერყეობს და დიდი ალბათობით, ზაფხულამდე კიდევ უფრო გაიზრდება.