ესპანეთის სამეფო თასის დაპირისპირება ბელგიელმა შემტევმა სასტარტო შემადგენლობიდან დაიწყო.

ედენ აზარს კარგი შანსი მიეცა, ქვედალიგელი გუნდის წინააღმდეგ საუკეთესოდ წარმოეჩინა შესაძლებლობები, თუმცა, თამამად შეიძლება ითქვას, მან ფიასკო განიცადა მორიგ ჯერზე. „რეალის“ შემადგენლობიდან ყველაზე ცუდად სწორედ „შვიდიანი“ გამოიყურებოდა და მწვრთნელმა 68-ე წუთზე მოედნიდან გაიყვანა.

საქმეში გატარებული დროის განმავლობაში, აზარს ნოლები ჩაეწერა კარში დარტყმისა და შესრულებული დრიბლინგების გრაფაში. მან ბურთი 24-ჯერ მიიღო და 5 შემთხვევაში მეტოქეს ჩააბარა.

„რეალის“ ისტორიაში ყველაზე ძვირადღირებული მოთამაშის მომავალი ბურუსით არის მოცული, მაგრამ მსგავსი „წარმოდგენების“ წყალობით, ის უფროდაუფრო შორდება კლუბს.

აზარს მოქმედი კონტრაქტი 2024 წლის ზაფხულში ეწურება.