„კასერენიოს“ მინიმალური ანგარიშით დამარცხებით, სამეფო კლუბმა „კოპა დელ რეის“ მერვედფინალური ეტაპის საგზური მოიპოვა.

7 იანვარს, ესპანეთის ფეხბურთის ფედერაციის შტაბ-ბინაში კენჭისყრა გაიმართება, რომელშიც 16 საუკეთესო გუნდი მიიღეს მონაწილეობას. ამ ეტაპისათვის „რეალთან“ ერთად 1/16 ფინალური სტადია წარმატებით დაძლიეს „ვალენსიამ,“ „ესპანიოლმა,“ „ვილიარეალმა,“ „ლევანტემ,“ ხინონის „სპორტინგმა“ და „კეუტამ.“

1/8 ფინალური ეტაპიც ერთმატჩიანი დაპირისპირებისგან შედგება და 17/18/19 იანვარს გაიმართება შესაბამისი შეხვედრები.

თუ „რეალს“ მეტოქედ ისევ ქვედალიგელი ერგო, მადრიდელების კვლავ სტუმრად იასპარეზებენ, წინააღმდეგ შემთხვევაში, მასპინძელი ის კლუბი იქნება, რომლის ბურთულასაც პირველს ამოიღებენ კალათიდან წილისყრის დროს.

ესპანეთის სამეფო თასის ფინალი 6 მაისს არის ჩანიშნული.