ლუკა მოდრიჩის ბერნაბეუზე დარჩენა არამხოლოდ ფეხბურთელის მაღალი ხარისხის, არამედ ჯუდ ბელინგემის მენტორობისთვისაც საჭიროა...

მადრიდში ბელინგემს სწორედ ახალ მოდრიჩად განიხილავენ. სწორედ ამიტომ, ანჩელოტი მიიჩნევს, რომ ჯუდმა ბერნაბეუზე გადასვლის შემთხვევაში ყველაზე მეტი კომუნიკაცია სწორედ მსოფლიოს 2018 წლის ოქროს ბურთის მფლობელთან უნდა იქონიოს.

დედაქალაქური კლუბის მესვეურები ბელინგემის ტრანსფერისთვის ყველაფერს აკეთებენ და თვლიან, რომ ეს ტრანსფერი შეთანხმებადია.

თავის მხრივ, ლუკიტა ახალ შეთავაზებას ელოდება და მზად არის, გამოწვევები მიიღოს. ხორვატ ფეხბურთელს არაერთხელ დაუფიქსირებია, რომ მისი ოცნება კარიერის „მერენგების“ რიგებში დასრულებაა.

მომდევნო სეზონში მოდრიჩმა შესაძლოა ორმაგი სტატუსი მიიღოს, ის გახდება როგორც საჭირო ფეხბურთელი, ასევე ძალიან მნიშვნელოვანი მენტორი, რომელიც ახალწვეულ ჯუდს ადაპტაციაში დაეხმარება.