ესპანური გამოცემების ცნობით, ენცო ფერნანდესის „ჩელსიში“ გადასვლასთან დაკავშირებით არაერთი ინფორმაციის გავრცელების შემდეგ, ფლორენტინო პერესი აქტიური ნაბიჯების გადადგმაზე გადავიდა...

მადრიდში ხვდებიან, რომ არგენტინელის დამატების შანსი აღარ აქვთ, ამიტომ სრული კონცენტრაცია ჯუდ ბელინგემის ტრანსფერზე კეთდება.

ფლორენტინო პერესი გუშინდელი ღია ვარჯიშის შემდეგ კარლო ანჩელოტისთან საუბრის დროს მტკიცე იყო. პრეზიდენტი იტალიელს დაპირდა, რომ ბელინგემი მადრიდელი გახდება და დავალება გაცემულია.

6 იანვრამდე ინგლისელი მოთამაშე თავად შეხვდება „ბორუსიას“ ხელმძღვანელობას, შემდეგ კი გერმანულ მხარესთან აუდიენციას „რეალი“ აპირებს. სამეფო კლუბს მზად აქვს შეთავაზების სრული პაკეტი, რომელმაც BVB აუცილებლად უნდა დააინტერესოს.