სამეფო კლუბის ახალგაზრდა ახალწვეული, იკერ ბრავო, რომელიც დედაქალაქური კლუბის განკარგულებაში რამდენიმე თვეა იმყოფება, კარლო ანჩელოტის დიდ სიმპატიებს იმსახურებს...

ესპანური გამოცემების ცნობით, რაულთან კონსულტაციის შემდეგ, იტალიელი სპეციალისტი დარწმუნდა, რომ ბრავოს მთავარ გუნდში თამაში შეუძლია.

მარიანო დიასის წასვლის შემთხვევაში ბრავოს მთავარ გუნდში გადასვლა გადაწყვეტილია, მაგრამ შესაძლოა ეს დიასის წასვლის გარეშეც მოხდეს.

ანჩელოტი ბრავოს მთავარი გუნდის თითქმის ყველა ვარჯიშზე იძახებს და აკვირდება. ახალგაზრდა შემტევს რაულისგანაც ბრწყინვალე დახასიათება აქვს.

იმ ფონზე, რომ იანვრისა და თებერვლის თვეები „რეალისთვის“ განსაკუთრებით დატვირთული იქნება, ანჩელოტიმ დიდი შანსია ბრავო გამოიყენოს.