„ოქროს ბურთის“ მფლობელმა 2022 წელი დიდებულად დახურა. კარიმ ბენზემამ „ვალიადოლიდის“ წინააღმდეგ დუბლი შეასრულა და გუნდს მეტად მნიშვნელოვანი ქულები მოუტანა.

ფრანგი თავდამსხმელი განვლილ დაპირისპირებას სოციალური ქსელის საშუალებეით გამოეხმაურა: „2022 საუკეთესოდ დავასრულეთ. ჰალა მადრიდ!“

საგულისხმოა, რომ „ცხრიანის“ გამოქვეყნებულ ფოტოს ასობით გულშემატკივარი გამოეხმაურა და მათ შორის იყო კილიან მბაპეც. ამ უკანასკნელმა თანამემამულეს აპლოდისმენტების აღმნიშვნელი „ემოჯი“ დაუტოვა.