პრიმერა დივიზიონის მე-15 ტურში ჩავის შეგირდებმა ქულები დაკარგეს.

„ნოუ კამპზე“ გამართულ კატალონიურ დერბიში „ბარსელონამ“ შედეგიანი ფრე (1-1) დააფიქსირა ტაბლოზე „ესპანიოლის“ წინააღმდეგ. მე-7 წუთზე მარკოს ალონსოს მიერ გატანილ გოლს, 73-ე წუთზე ყოფილმა მადრიდელმა, ხოსელუმ უპასუხა. ამ უკანასკნელმა ზუსტად შეასრულა პენალტი.

ამრიგად, 2022 წლის ბოლოს, „რეალი“ და „ბარსა“ 38-38 ქულას მოითვლიან სატურნირო ცხრილში. „კულეები“ ბურთების უკეთესი შეფარდების წყალობით პირველ პოზიციას იკავებენ.

ლა ლიგის რეგლამენტის თანახმად თანაბარი ქულების შემთხვევაში უპირატესობა ენიჭება ურთიერთშეხვედრებს, მაგრამ, სანამ გუნდებს შორის ორივე პაექრობა არ ჩატარდება, მანამდე, აქცენტი კეთდება სწორედ ბურთებზე.