კარიმ ბენზემა ბრწყინვალედ დაბრუნდა საქმეში.

მადრიდის „რეალმა“ ფრანგი თავდამსხმელის წყალობით 0-2 დაამარცხა „ვალიადოლიდი“ და მეტად მნიშვნელოვანი გამარჯვება ჩაიწერა აქტივში. „ოქროს ბურთის“ მფლობელმა პირველი გოლი 83-ე წუთზე გაიტანა. მან რუდიგერის მოპოვებული თერთმეტმეტრიანი ზუსტად შეასრულა, ხოლო მეორე შედეგიანი დარტყმა 89-ე წუთზე განახორციელა. აღნიშნულ ეპიზოდში ასისტობა ედი კამავინგამ შეითავსა.

რა თქმა უნდა, ლა ლიგამ შეხვედრის საუკეთესო ფეხბურთელად ბენზემა დაასახელა.

პრიმერა დივიზიონის მიმდინარე სეზონში ბენზემა უკვე 7 გოლს მოითვლის.