ერთ დროს ხესე როდრიგესი საეფო კლუბის ერთ-ერთ ყველაზე იმედისმომცემ ფეხბურთელად ითვლებოდა, თუმცა ტრავმების ფონზე, კანარიელის კარიერამ მოლოდინი ვერ გაამართა.

ამჟამად, ხესე თურქული „ანკარაგიუჯიუს“ ფეხბურთელია. მან El Larguero-სთან კომენტარი გააკეთა.

„სეზონის დიდი ნაწილი წინ არის და ვიმედოვნებ, მადრიდელები მოიგებენ ტიტულს. „რეალი“ მსოფლიოს საუკეთესო გუნდია და ნებისმიერ ტურნირზე ანგარიშგასაწევ ძალას წარმოადგენს. მათ ყველაფერი მომცეს ადრეული ასაკიდან, რისთვისაც მადლიერი ვარ უშუალოდ ფლორენტინო პერესის და ყველა თანამშრომლის.“

„ბოლო პერიოდის განმავლობაში მბაპესთან არ მისაუბრია, თუმცა ზაფხულამდე მე და ესპანურენოვან ფეხბურთელებს გვითხრა, რომ სამეფო კლუბში აპირებდა გადასვლას. ტრასნფერი ვერ შედგა და ჩემი აზრით, ამის მიზეზია არა პროფესიონალური, არამედ პერსონალური ზეწოლა. მაგალითისათვის, საფრანგეთის პრეზიდენტმა შეიძლება მოგიწოდოს დარჩენისაკენ, მაგრამ ის ვერ გეტყვის, რომ კონკრეტულ კლუბში არ გადახვიდე.“