2022 წლის მსოფლიოს ჩემპიონატი ახალგაზრდა ფეხბურთელისათვის პირველი იყო პროფესიონალურ კარიერაში.

პოლ პოგბასა და ნგოლო კანტეს არყოფნის პირობებში, დიდიე დეშამმა საფრანგეთის ეროვნული ნაკრების ნახევარდაცვის ხაზი ორელიენ ჩუამენს ჩააბარა. ამ უკანასკნელმაც მწვრთნელის იმედები გაამართლა და შემადგენლობის ერთ-ერთ ლიდერად ჩამოყალიბდა. საერთო ჯამში მადრიდელმა საკმაოდ მაღალ დონეზე ჩაატარა განვლილი მუნდიალი, სადაც მეოთხედფინალურ სტადიაზე შესანიშნავი გოლიც ჩაიწერა აქტივში (ინგლისთან).

აღსანიშნავია, რომ ჩუამენი 2022 წლის ზაფხულის სატრანსფერო ფანჯარაზე შეუერთდა ესპანურ გრანდს. ფლორენტინო პერესმა მის სანაცვლოდ 80 მლნ. ევრო გადაურიცა „მონაკოს,“ რის გამოც არა ერთ გზის გახდა კრიტიკის ობიექტი, თუმცა კატარში ჩატარებულმა ტურნირმა ცხადყო, რომ პრეზიდენტს ტყუილ-უბრალოდ არ ჩაუდია ასეთი ინვესტიცია 22 წლის საყრდენში.

Transfermarkt-ის შემდეგ, „მსოფლიოს“ დასრულების შემდეგ, ჩუამენის სატრანსფერო ღირებულება 10 მილიონით გაიზარდა და უკვე 90 მილიონ ევროს შეადგენს.