პარასკევს (30 დეკემბერს), 50 დღიანი პაუზის შემდეგ, სამეფო კლუბი მწვანე მინდორზე დაბრუნდება.

ანჩელოტის გუნდის მეტოქე „ვალიდოლიდი“ იქნება, რომელიც სატურნირო ცხრილში მე-12 პოზიციას იკავებს. აღინნულ დაპირისპირება „ხოსე ზორილია“ უმასპინძლებს.

საგულისხმოა, რომ მსოფლიოს ჩემპიონატის დაწყებამდე, სტუმრად ჩატარებულ უკანასკნელ 4 შეხვედრაში, „რეალი“ მხოლოდ ერთხელ გამოვიდა გამარჯვებულის სტატუსით. მადრიდელებმა „ელჩეს“ სძლიეს 0-3, „შახტართან“ ფრე გააგორეს, ხოლო „რაიო ვალეკანოსთან“ და „ლაიპციგთან“ დამარცხდნენ.

შესაბამისად, იტალიელ სპეციალისტის წინაშე კონკრეტული დავალება დგას - გასვლით შეხვედრებში ასპარეზობის გაუმჯობესება.

არადა, სეზონის სტარტზე „თეთრები“ უკეთესად გამოიყურებოდნენ „სანტიაგო ბერნაბეუს“ გარეთ, ვინაიდან 6 შეხვედრა მოიგეს მიჯრით.