სამეფო კლუბმა „ვალიადოლიდთან“ მატჩისათვის მომზადების პროცესში მორიგი ამხანაგური პაექრობა ჩაატარა.

ამჯერად, „ვალდებებასის“ საწვრთნელ მოედანზე „ხეტაფე“ ესტუმრა. პრიმერა დივიზიონის ბინადარმა გუნდებმა 1 საათიას განმავლობაში გატანილი გოლების გარეშე იბურთავეს (30 წუთიანი ტაიმები).

ანჩელოტიმ პირველი შემადგენლობის ყველა ფეხბურთელი გამოიყენა (ძირითადი შემადგენლობა: კურტუა, ვასკესი, ნაჩო, ალაბა, მენდი, ვალვერდე, კროოსი, სებალიოსი, ასენსიო, აზარი და ბენზემა), ვინც მის განკარგულებაში იყო. ამასთანავე, თავის გამოჩენის საშუალება რამდენიმე კასტილიელსაც მიეცა.

აღსანიშნავია, რომ იტალიელმა სპეციალისტმა შეგირდებს 2 დღით დასვენების საშუალება მისცა. ისინი სესიას ორშაბათს დაუბრუნდებიან.