სამეფო კლუბში მიმდინარე სეზონის განახლებას მოუთმენლად ელოდებიან. მომდევნო 2 თვის განმავლობაში, „რეალი“ 5 ტურნირზე მიიღებს მონაწილეობას.

მიუხედავად იმისა, რომ მუნდიალით გამოწვეულ პაუზამდე გუნდის საუკეთესო ბომბარდირ ბენზემას 7 შეხვედრა გაუცდა და მისი მაჩვენებელი განვლილი სეზონის ანალოგიურ პერიოდთან შედარებით საკმაოდ მწირია, ანჩელოტის გუნდი შედეგიანობის თვალსაზრისით მაინც არ მოიკოჭლებს. მეტიც, 21 ჩატარებულ მატჩში, „თეთრებმა“ 50 გოლის გატანა მოახერხეს, ხოლო შარშან, 21 პაექრობის თავზე, „ბლანკოსი“ 49 გოლს მოითვლიდა.

იტალიელი სპეციალისტის დარიგებულ შემადგენლობაში სხვა მოთამაშეებმაც გაისწორეს სამიზნე. თუ შარშან შეგდებული 49 გოლის 50% ბენზემასა და ვინისიუსზე მოდიოდა (შესაბამისად, 17 და 12), ახლა 50 შედეგიანი დარტყმის 62% ოთხ ფეხბურთელზე ნაწილდება (შესაბამისად, ვინისიუსი 10, ვალვერდე 8, როდრიგო 7 და ბენზემა 6).

უდავოდ გამოსარჩევია ურუგვაელი ნახევარმცველი, რომელიც ცივსისხლიანად ურტყამს მეტოქის კარის მიმართულებით.

კარლო ანჩელოტისა და სამწვრთნელო შტაბის დიდი ძალისხმევის შედეგბად, შეიძლება ითქვას, რომ „რეალი“ არ არის დამოკიდებული ერთეულ მოთამაშეებზე.

იხილეთ წლევანდელი და შარშანდელი სტატისიკა, სადაც მოცემულია 21 თამაშის მონაცემები: