Le Parisien-ის ცნობით, ლიონელ მესიმ „პსჟ“-ს ხელმძღვანელობას მომავალთან დაკავშირებით გარკვეული პირობა მისცა. ასევე გარკვეულია კილიან მბაპეს მომავალიც...

არგენტინელი ფეხბურთელი უახლოეს კვირებში პარიზულ კლუბთან კონტრაქტს კიდევ 1 წლით გაახანგრძლივებს. უცვლელი დარჩება ასტრონომიული ხელფასი, რომელიც მსოფლიო ჩემპიონს პარიზული გრანდის რიგებში აქვს.

რაც შეეხება კილიან მბაპეს. მსოფლიოს ვიცე ჩემპიონმა ნასერ ალ ჰელაიფს პირდაპირ უთხრა, რომ მიმდინარე კონტრაქტი განახლებას აღარ დაექვემდებარება და ის „პსჟ“-დან წასვლას გეგმავს.

არსებული ინფორმაციით, „პსჟ“-ს ხელმძღვანელობა მბაპეზე გათვლის გაკეთებას აღარ აპირებს და საერთოდ არ არის გამორიცხული, მოთამაშემ კლუბი კოლოსალური თანხის სანაცვლოდ 2023 წლის ზაფხულში დატოვოს.