მას შემდეგ,რაც "ფურია როხა" მუნდიალის თასს დაეუფლა,FIFA-მ თავის რეიტინგში პირველ ადგილზე სწორედ ესპანეთი განაწესა

FIFA-მ გამოაქვეყნა ახალი რეიტინგი,რომელშიც ესპანეთის ეროვნული ნაკრები მყარად იკავებს პირველ პოზიციას. მეორე ადგილზე კი მსოფლიოს ვიცე ჩემპიონები, ჰოლანდიელები არიან. მესამე ადგილს მსოფლიოს ხუთგზის ჩემპიონები ბრაზილიელები იკავებენ,მეოთხეზე-გერმანია, მეხუთეზე-არგენტინა,მეექვსეზე-ურუგვაი,მეშვიდეზე-ინგლისი, მერვეზე-პორტუგალია. ამას გარდა მოხდა უამრავი გადანაცვლება. ახალი ზელანდიის ნაკრები,რომელიც მუნდიალამდე ასეულშიც კი არ შედიოდა,ახლა 54-ე ადგილს იკავებს.აშშ-მ 18-ე პოზიციაზე გადმოინაცვლა,ხოლო მეოცე ადგილი ავსტრალიამ დაიკავა. მიუხედავად იმისა,რომ ეგვიპტე მუნდიალზე არ ყოფილა,ყველასდა გასაკვირად აფრიკულმა ქვეყანამ მეცხრე ადგილი დაიკავა,ხოლო მეათეზე ჩილემ დაიმკვიდრა ადგილი.