„რეალის“ ყოფილი ნახევარმცველი უკლუბოდ რჩება.

ესპანური პრესის ინფორმაციით, ისკო ალარკონი და „სევილია“ 2 წლიანი კონტრაქტის პირობების მოშლაზე შეთანხმდნენ. აღნიშნულის მიზეზად ფეხბურთელისა და კლუბის არაჯანსაღი ურთიერთობა სახელდება. მალაგელი ნახევარმცველი სევილიელებს განვლილ ზაფხულში შეუერთდა და იქ მხოლოდ 4.5 თვე დაჰყო.

მაშასადამე, ზამთრის სატრანსფერო ფანჯარას ისკო თავისუფალი აგენტის სტატუსით ხვდება. ამ ეტაპისათვის კი უცნობია, სად შეიძლება გადაბარგდეს ერთ დროს „რეალის“ ნახევარდაცვის ლიდერი.