მსოფლიოს 2022 წლის ჩემპიონატი არგენტინისა და საფრანგეთის დაპირისპირებით დასრულდა.

სამეფო კლუბი 30 დეკემბერს განაახლებს სეზონს და განვლილ მუნდიალზე მოასპარეზე ფეხბურთელებიც, ეტაპობრივად დაბრუნდებიან „ვალდებებასზე.“ არსებული მომენტისათვის, ანჩელოტის განკარგულებაში უკვე ირიცხებიან კურტუა, აზარი, რუდიგერი და ვალვერდე.

აღსანიშნავია, რომ იტალიელ დამრიგებელს ნაყოფიერი მუშაობის ჩატარება მოუწევს შეგირდებთან და არა მხოლოდ ფიზიკური კონდიციების თვალსაზრისით. მან გარკვეულწილად ფსიქოლოგის როლიც უნდა მოირგოს, ვინაიდან ბრაზილიელები და ფრანგები მეტად დამწუხრებულნი არიან კატარში დაფიქსირებუული შედეგით.

ტურნნირის დაწყებამდე, „სელესაო“ მთავარ ფავორიტად მოიაზრებოდა და ალბათ, არაფერი მოასწავებდა მათ ფიასკოს ხორვატიასთან. ფრანგებმა კი, საკმაოდ დრამატულ ბრძოლაში დათმეს ოქროს მედლები.

განსაკუთრებულ ყურადღებას იმსახურებენ როდრიგო და ჩუამენი. აღნიშნულმა ფეხბურთელებმა პენალტების სერიაში შედეგიანი დარტყმები ვერ განახორციელეს და ცხადია, სხვებზე უარესი მორალური მდგომარეობა აქვთ.