როგორც იწერება, უგუნდოდ მყოფი კრიშტიანუ რონალდუს სურვილია, რომ თუნდაც 6 თვით სამეფო კლუბში დაბრუნდეს და კვლავ მიეცეს „სანტიაგო ბერნაბეუზე“ ასპარეზობის საშუალება.

მიუხედავად პორტუგალიელის განზრახვისა, „რეალის“ ხელმძღვანელობის პოზიცია ურყევია. მათ უფლება მისცეს გუნდის ისტორიაში საუკეთესო ბომბარდირს რამდენიმე დღის განმავლობაში ევარჯიშა „ვალდებებასზე,“ თუმცა მისთვის შემადგენლობის კარის გაღებას არ აპირებენ.

ჟურნალისტ ტომას გონსალეს მარტინის აზრით, „ბლანკოსში“ ფიქრობენ, რომ რონალდუსათვის მეორე შანსის მიცემა ცუდად იმოქმედებს ისეთ ახალგაზრდა ფეხბურთელებზე, როგორებიც არიან ვალვერდე და როდრიგო. ამასთანავე, სტატუსიდან გამომდინარე, ის სათადარიგო მოთამაშედ ვერ ჩამოყალიბდება.