ბოლო დღეების განმავლობაში კარიმ ბენზემას კატარში გამგზავრების საკითხი აქტიურად განიხილებოდა პრესის ფურცლებზე.

გავრცელებული ინფორმაციით, „რეალის“ თავდამსხმელმა სპეკულაციებს წერტილი დაუსვა - ის საფრანგეთისა და არგენტინის ფინალურ დაპირისპირებას მადრიდიდან მიადევნებს თვალ-ყურს.

ბენზემა მადრიდის დროით 11:00 საათზე „ვალდებებასზე“ გამოცხადდება და გუნდის მორიგ სავარჯიშო სესიაზე მიიღებს მონაწილეობას, ხოლო შემდეგ კი, სახლში გადაინაცვლებს, სადაც თანამემამულეების შერკინებას ტელეეკრანთან დაელოდება.

როგორც ფრანგული გამოცემები აღნიშნავენ, კარიმს ცუდი ურთიერთობა აქვს დიდიე დეშამთან. მან უგულებელყო პრეზიდენტ მაკრონის თხოვნაც.