საფრანგეთის ეროვნული ნაკრები, 18 დეკემბერს, მსოფლიოს 2022 წლის ჩემპიონატის ფინალურ დაპირისპირებაში მიიღებს მონაწილეობას. „მამლები“ ტიტულის დაცვას შეეცდებიან.

ქვეყნის პრეზიდენტის ემანუელ მაკრონის სურვილია, რომ არგენტინელებთან დაპირისპირების დროს, კარიმ ბენზემა ყატარში იმყოფებოდეს და არა მადრიდში. გავრცელებული ინფორმაციით, მადრიდელმა ფეხბურთელმა პირველი პირისგან მოწვევაც მიიღო.

როგორც იცით, ბენზემა ჯერ კიდევ ირიცხება „ლურჯების“ სამუნდიალე განაცხადში და გამარჯვების შემთხვევაში, მასაც ერგებეს ოქროს მედალი.

არსებული მომენტისათვის არ არის ცნობილი, თუ რა გადაწყვეტილებას მიიღებს ფეხბურთელი, რომელიც „რეალთან“ ერთად აქტიურად ვარჯიშობს