როგორც იცით, სამეფო კლუბმა ბრაზილიელი ფეხბურთელის ტრანსფერი ოფიციალიურად დაადასტურა.

ენდრიკ ფელიპე მორეირა დე სოუსა (21/07/2006, ბრაზილია) მსოფლიოს ფეხბურთის ერთ-ერთი ამომავალი ვარსკვლავია. 16 წლის თავდამსხმელმა „პალმეირასთან“ ერთად უკვე მოიგო ქვეყნის პირველობა. მისი ასაკიდან გამომდინარე, მან კლუბის არა ერთი რეკორდი დაამყარა. ის გახდა „პალმეირასის“ ისტორიაში ყველაზე ახალგაზრდა ფეხბურთელი, რომელმაც პირველი გუნდის შემადგენლობაში იასპარეზა (16 წელი 2 თვე და 15 დღე) გოლი გაიტანა (16 წელი, 3 თვე და 4 დღე).

ენდრიკისთვის მიმდინარე წელი წარმატებული და ნაყოფიერი გამოდგა. ბრაზილიის ჩემპიონატის პარალელურად (3 გოლი და 1 ასისტი), მან მოიგო São Paulo Júnior Cup-ი, სადაც საუკეთესო მოთამაშედ დასახელდა. ამასთანავე, ახლა უკვე მადრიდისტამ ტრიუმფით დაასრულა ბრაზილიის 20 წლამდელთა ჩემპიონატი და ბრაზილიის 17 წლამდელთა თასი. აღნიშნულ შეჯიბრებზე შემტევმა არა ერთ გოლს მოუყარა თავი.

უნიჭიერესი ენდრიკი 2024 წლიდან სამეფო კლუბის სრულფასოვანი წევრი გახდება.