მადრიდის „რეალის“ ხელმძღვანელობამ კარლო ანჩელოტისგან ვინისიუს ტობიასის დახასიათება მოისმინა...

ბრაზილიელი ახალგაზრდა მცველი უკვე მეორე კვირაა მთავარ გუნდთან ერთად ვარჯიშობს და სამწვრთნელო შტაბის სასიამოვნო გაკვირვებას იწვევს.

„მარკას“ ცნობით, „ბლანკოსმა“ გადაწყვიტა, სამხრეთ-ამერიკელი ფეხბურთელი „შახტარისგან“ გამოისყიდოს და მოთამაშეს 6 წლიანი კონტრაქტი გაუფორმოს.

ასევე დიდი ალბათობით, ვინი ტობიასი იანვრიდან მთავარი გუნდის სადარაჯოზე იდგება და კასტილიას მხოლოდ საჭიროების შემთხვევაში დაეხმარება. ამას გუნდიდან ალვარო ოდრიოზოლას წასვლაც განაპირობებს, რომლის აბარგება ფაქტობრივად გადაწყვეტილია.

გამოცემა ასევე იუწყება, რომ მადრიდელებმა მომდევნო ზაფხულს ტობიასი შესაძლოა ლა ლიგის რომელიმე კლუბში იჯარის წესით გაუშვან, რათა ტალანტმა მეტი გამოცდილება მიიღოს და სათამაშო პრაქტიკა არ მოაკლდეს.